Будесаноб 0.5мг-2мл №7

Бүтээгдэхүүний дэлгэрэнгүй

Гуурсан хоолойн багтрааны эсрэг, салстын хаван бууруулах үрэвсэл дарах бэлдмэл

Хэрэглэх заалт

BUDESANOB ампулыг гуурсан хоолойн багтраа өвчний эмчилгээнд хэрэглэж буй ууж хэрэглэдэг стеройд эмийн хэрэглээг бууруулах болон орлуулах зорилгоор хэрэглэх ба ампулыг стройд эмчилгээ тохиромжгүй өвчтөнд эмчилгээний өөр хэлбэрт шилжүүлэх зорилгоор хэрэглэнэ. Мөн вирүсийн гаралтай төвөнхийн үрэвслийн эмчилгээнд хэрэглэнэ.

Будесонид 0.5мг

Будесонид нь ерөнхийдөө нийцэл сайтай. Хөнгөн хэлбэрийн хамар залгиурын эмгэг болох хоолой хорсох, ханиалгах, хоолой сөөх болон мөөгөнцөрийн халдвар үүсгэж байсан. Хэсэг газрын кортикостеройд эмчилгээ хийлгэж байгаатай холбоотой ховор тохиолдолд арьсны зүгээс чонон хөрвөс, туурах, арьсны үрэвслийн шинж тэмдэг илэрч болзошгүй. Нүүрний арьсны цочролоос сэргийлэхийн тулд маскаар хэрэглэсний дараа усаар угааж байх хэрэгтэй. Бага насны хүүхдэд сэтгэц мэдрэлийн зүгээс сэтгэл гутрал, уур уцаартай болох, цочромтгой болох зэрэг зан авирын өөрчлөлт илэрч болзошгүй. Утлагын аппаратаар утаж хэрэглэж байх үед ховор тохиолдолд эмийн өвөрмөц бус үйлдлийн механизмын нөлөөгөөр гуурсан хоолойн агчилт үүсч болно. Амьсгалын замаар эм хэрэглэсний дараа өвчтөнөөс амаа зайлсан эсэхийг асуух нь хамар залгиурын мөөгөнцөрийн халдварт өртөх эрсдэлийг бууруулдаг.

Хэрэглэх арга

Тунг тухайн өвчтөний онцлогт нь тохируулан тооцно. Хүнд хэлбэрийн гуурсан хоолойн багтраа өвчний эмчилээнд болон ууж хэрэглэдэг кортикостеройдын хэрэглээг бууруулах зорилгоор хэрэглэх эмчилгээний эхлэх тун: Насанд хүрэгсэд: 1 – 2 мг тунгаар өдөрт хоёр удаа. Хүүхдэд: 0.5 – 1 мг тунгаар өдөрт хоёр удаа. Зохицуулах тун: Зохицуулах тунг тухайн өвчтөний онцлогт нь тохируулан тооцно. Эмнэлзүйн зохимжтой үр дүнд хүрсний дараагаар өвчний шинж тэмдгийг хянаж байх идэвхитэй үйлчлэх хамгийн бага зохицуулах тун хүртэл алгуурхан бууруулах хэрэгтэй. Насанд хүрэгсэд: 0.5 – 1 мг тунгаар өдөрт хоёр удаа, хүүхдэд: 0.25 – 0.5 мг тунгаар өдөрт хоёр удаа. Вирүсийн гаралтай төвөнхийн үрэвсэл: Эхний тунг 2 мг, хоёрдох тунг 1 мг 30 минутын зайтай.