Бифидумбактерин №10

Бүтээгдэхүүний дэлгэрэнгүй

Ашигтай бактер

Хэрэглэх заалт

Насанд хүрэгсэд болон хүүхдийн янз бүрийн шалтгаантай дисбактериозын урьдчилан сэргийлэх эмчилгээнд хэрэглэнэ. Бэлдмэлийг хүүхдэд (ялангуяа дутуу төрсөн) амьдралын эхний өдрөөс хэрэглэж болно. Шалтгаан тогтоогдоогүй гэдэсний үйл ажиллагааны удаан хугацааны өөрчлөлтийн эмчилгээнд, гэдэсний цочмог халдвар түүнчлэн гэдэсний үйл ажиллагааны алдагдал бүхий гэдэсний цочмог халдварын дараах эдгэрлийн эмчилгээнд, удаан хугацааны бактерийн эсрэг, даавар, туяа болон бусад эмчилгээний улмаас үүссэн дисбактериоз, стрессийн байдал ба хэт хүнд нөхцөлд байх зэргийн улмаас үүссэн гэдэсний үйл ажиллагааны өөрчлөлтийн үед, түүнчлэн эдгээр хүмүүст дисбактериоз үүсэхээс сэргийлэх зорилгоор хэрэглэнэ.

Найрлага

Амьд бифидобактерии Bifidobacteriumbifidum - 10н 7 зэрэг КОЕ-с багагүй

Гаж нөлөө

Гаж нөлөө илрээгүй. Бэлдмэл сахароз агуулдаг учир түүнийг удамшлын шалтгаантай фруктозын үл зохицол, глюкоз-галактозын шингээлтийн алдагдал эсвэл сахароз-изомальтазын дутагдал зэрэг эмгэгтэй өвчтөнд хэрэглэхгүй. Бэлдмэл лактоз агуулдаг учир түүнийг удамшлын шалтгаантай лактозын үл зохицол, лактацын дутагдал, шингээлтийн алдагдлын хам шинж зэргийн үед хэрэглэхгүй.

Хэрэглэх арга

Бифидумбактериныг гэдэсний өвчний үед ууж, эх барих эмэгтэйчүүдийн практикт хэсэг газар (үтрээнд) хэрэглэнэ. 1. Ходоод гэдэсний өвчний эмчилгээ болон урьдчилан сэргийлэлтэнд: Флакон доторх агууламжийг 1 тун бэлдмэлд 5мл (цайны халбага) байхаар тооцож тасалгааны хэмд буцалсан усаар уусгана. Дараах байдлаар уусгана: шилэн аяганд шаардлагатай хэмжээний ус хийнэ (флакон дээр заасан тунгийн хэмжээнд тохируулан), таглаа болон бөглөөг авч флаконыг онгойлгоно, шилэн аяганаас бага хэмжээний усыг флаконд хийнэ. Ууссаны дараа (бэлдмэл 5 минутаас ихгүй хугацаанд нэг төрлийн тунгалаг бус хольц үүсгэн уусна) флаконы агууламжийг уг шилэн аяганд хийж холино. Ийм байдлаар уусгасан 1 цайны халбага нь 1 тун бэлдмэл юм. Ууссан бэлдмэлийг хадгалахгүй. Шаардлагатай хэмжээний тунг (цайны халбага тус бүр) хооллосноос хойш 1-1,5 цагийн дараа эсвэл хооллохоос 20-30 минутын өмнө хэрэглэнэ. Хөхүүл хүүхдэд бэлдмэлийг хооллохын яг өмнө хэрэглэж болно. Гэдэсний өвчний үед: хүүхдэд амьдралын эхний хагас жилд 5 тун бэлдмэлийг хоногт 2 удаа, 2 дахь хагас жил болон түүнээс дээш насны хүүхдэд 5 тунгаар хоногт 3 удаа хэрэглэнэ. Эрсдэл бүлгийн нярайд 2,5 тунгаар хоногт 2 удаа хүртэл төрөх тасагт амьдралын эхний өдрөөс эхэлж хэрэглэж болно. Үжил, уушгины үрэвсэл, бусад идээт-халдварт өвчний үед хүүхдэд 5 тунгаар хоногт 3 удаа үндсэн өвчний эмчилгээний ердийн уламжлалт аргын бүрэлдэхүүнд хэрэглэнэ. Уг бүлгийн хүүхдэд хоол боловсруулах замын үйл ажиллагааны өөрчлөлт болон шархлаат-үхжилт энтерколитийн аюул үүсэх үед бифидумбактерины тунг хоногт 20 тун хүртэл ихэсгэнэ. Нарийн ба бүдүүн гэдэсний цочмог болон архаг явцтай үрэвсэлт өвчний үед 3-аас дээш насны хүүхэд болон насанд хүрэгсдэд 5 тунгаар хоногт 2-3 удаа хэрэглэхийг зөвлөнө. Өвчний хүнд явцтай тохиолдолд тунг 2 дахин ихэсгэж болно. Бифидумбактерины ээлж эмчилгээний үргэлжлэх хугацааг эмнэл зүйн илрэлийн зэрэг, өвчтөний наснаас хамаарч тодорхойлох ба 2-4 долоо хоног, зарим тохиолдолд 2 сар хүртэл үргэлжилнэ. Бэлдмэлийг урьдчилан сэргийлэх зорилгоор 5 тунгаар хоногт 1-2 удаа 1-2 долоо хоногийн турш хэрэглэнэ. 2. Эх барих эмэгтэйчүүдийн практикт: Хөхний толгой болон түүний хүрээг эмчлэхийн тулд 1 флакон дахь агууламжийг (5 тун) буцалгаж хөргөсөн бага хэмжээний усаар уусгах ба уусмалыг 2 ариун самбайд шингээж хооллох бүрийнхээ өмнө хөхний толгой болон түүний хүрээнд 20-30 минутын турш 5 өдөр тавина. Бэлдмэлийг шингээсэн самбайг хөхний булчирхайн гадаргуу дээр хооллож эхлэх хүртэл үлдээнэ. Эм бэлэг эрхтний үрэвсэлт өвчний үед болон эрсдэлт бүлгийн жирэмсэн эмэгтэйн төрөхийн өмнөх бэлтгэлд зориулж бифидумбактериныг 5-10 тунгаар хоногт 1 удаа 5-8 өдрийн турш хяналтан дор үтрээний шүүрлийн цэвэршилт I-II зэрэг болж эргэн сэргэтэл, өвчний эмнэл зүйн шинж арилтал хэрэглэнэ. Бифидумбактериныг үтрээнд хийхийн тулд мөн дээр дурьдсан аргаар уусгана. Бэлтгэсэн бэлдмэлийн хольцыг ариун самбайд шингээж мушгиж шахалгүйгээр үтрээнд хийж 2-3 цаг үлдээнэ. Шаардлагатай үед бифидумбактерины ээлж эмчилгээг давтаж болно.