Вермокс 100мг №4

Бүтээгдэхүүний дэлгэрэнгүй

Шимэгч хорхойн эсрэг өргөн хүрээний үйлдэлтэй бэлдмэл

Хэрэглэх заалт

Хялгасан хорхой (энтербиоз), хүж хорхой (аскаридоз), 12 хуруу гэдэсний тахир толгойт хорхой (анкилостомидоз), ташуур толгойт хорхой (трихоцефалез), трихинелл хорхой (трихинеллез), гахайн туузан хорхой (тениоз), элэгний бэтэгний хорхой (эхинококкоз), олон тооны дугариг хорхой, уушигны бэтэгний хорхойгоор (альвеококкоз) үүсгэгдсэн өвчнүүд, шимэгч хорхойн холимог халдвар, капилляриоз, стронгилоидоз, гнатостомоз зэрэг өвчнүүдийн үед тус тус хэрэглэнэ.

Мебендазол 100мг

Толгой эргэх, дотор муухайрах, хэвлийгээр өвдөх зэрэг шинж илэрнэ. Өндөр тунгаар удаан хугацаагаар хэрэглэж байгаа үед бөөлжих, суулгах, толгой өвдөх, харшлын урвал (арьсны тууралт, чонон хөрвөс, судас мэдрэлийн хаван), элэгний трансаминазын идэвх ихсэх, цусан дахь креатинины хэмжээ ихсэх, цус багадах, цусны лейкоцитын тоо багасах ба эозинофилийн тоо ихсэх, үс унах, цусаар шээх, шээсэнд бортгон эс олшрох зэрэг гаж нөлөө ажиглагдана.

Хэрэглэх арга

Бэлдмэлийг өглөө өлөн үедээ 50 мл усаар даруулж ууж хэрэглэнэ. Хялгасан хорхойгоор (энтербиоз) үүсгэгдсэн өвчний үед насанд хүрэгсэд болон 10-аас дээш насны хүүхдэд 100 мг тунгаар, 2-10 хүртэл насны хүүхдэд 25-50 мг тунгаар 1 удаа хэрэглэнэ. Дахин халдварлах өндөр эрсдэлтэй үед 2-4 долоо хоногийн дараа дээрх тунгаар давтан хэрэглэнэ. Гэр бүлийн бүх гишүүдийг зэрэг эмчилвэл үр дүнтэй. Хүж хорхой (аскаридоз) , ташуур толгойт хорхой (трихоцефалез), тахир толгойт хорхой (анкилостомидоз), гахайн туузан хорхой (тениоз), хялгасан толгойт хорхой (стронгилоидоз) ба холимог халдварын үед өглөө, орой 100 мг тунгаар 3 өдөр хэрэглэнэ. Трихинеллезийн үед 200-400 мг тунгаар хоногт 3 удаа 3 өдрийн турш уулгаж 4-10 дахь өдөрт 400-500 м тунгаар хоногт 3 удаа ууж хэрэглэнэ. Бэтэг өвчний (эхинококк) үед эхний 3 өдөр 500 мг-аар хоногт 2 удаа, дараагийн 3 өдөр тунг нэмэгдүүлж 500 мг-аар хоногт 3 удаа, цаашид хоногт 25-30 мг/кг-аар (3-4 хувааж) тус тус хэрэглэнэ.