Азитромицин 200мг/5мл

Бүтээгдэхүүний дэлгэрэнгүй

Бактерийн халдварын шалтгаант үрэвсэлт өвчнүүдийн үед хэрэглэх өргөн хүрээний үйлчилгээтэй бэлдмэл

Хэрэглэх заалт

Хамар болон чихний дайвар хөндийн халдварууд, гуурсан хоолойн үрэвсэл, уушигны үрэвсэл, гүйлсэн булчирхайн үрэвсэл, залгиурын хоолойн үрэвсэл, арьс салст зөөлөн эдийн халдварууд (буглаа эсвэл хатиг), Хламид (Chlamydia trachomatis), гонококк (Neisseria gonorrhoeae) зэрэг бичил биетнээр үүсгэгдсэн бэлгийн замын халдварт өвчнүүд

Хэвлийн өвдөлт, суулгалт, сульдах, гэдэс дүүрэх, хоол боловсруулах үйл ажиллагаа хямрах, тууралт гарах, загатнах, хоолонд дургүй болох, толгой эргэх, толгой өвдөх, гар хөл бадайрах, ховор тохиолдолд амтлах мэдрэхүй өөрчлөгдөх, хараа бүрэлзэх, үений өвдөлт, сульдах гэх мэт гаж нөлөө илэрч болох бөгөөд тэмдэглээгүй гаж нөлөө илрэх мөн хүндрэх тохиолдолд эмчлэгч эмчдээ хандаж эмийн эмчилгээг шийдвэрлэнэ.

Хэрэглэх арга

Азитро-Денкийг хоолноос хамааралгүй хэрэглэнэ. Хальсан бүрхүүлтэй шахмалыг шингэнээр даруулан залгиж уух ёстой. Шахмалыг ижил тунгаар хувааж болно. Энэхүү эмийг үргэлж эмчийн зааврын дагуу хэрэглэнэ. Эмч өөрөөр заагаагүй бол зөвлөж буй тун нь: Насанд хүрэгсэд ба 45 кг-аас дээш жинтэй өсвөр насныханд- Цээж, хоолой, хамрын халдварууд, чихний халдварууд, арьс зөөлөн эдийн халдваруудын үед- Нийт тун нь 1500мг азитромицин бөгөөд үүнийг нэг бол 3 өдөр хувааж эсвэл 5 өдөр хувааж хэрэглэнэ.