Фенкарол 50мг №15
Бүтээгдэхүүний дэлгэрэнгүй
Гистамины эсрэг харшлын эмчилгээний бэлдмэл
Хэрэглэх заалт
Найрлага дахь квифенадин нь үйлдлийн хоёр механизмтай. Тийм учраас бусад төрлийн гистамины эсрэг бэлдмэл үйлчилдэггүй хүмүүст энэхүү бэлдмэл үр дүнтэй байдаг. Квифенадин нь төв мэдрэлийн тогтолцоог дарангуйлах нөлөө үзүүлдэггүй. Гэхдээ бага зэргийн тайвшруулах нөлөө зарим тохиолдолд ажиглагдаж болно. Энэхүү бэлдмэлийг поллиноз (ургамлын харшил), цочмог болон архаг чонон хөрвөс (загатнаат улайлт), харшлын ринит (хамар битүүрэх), харшлын конъюктивит (зовхины дотор талд нүдний салстын үрэвсэл), судаслаг хаван (ам, хэл, уруул, залгиур хавагнаснаас амьсгалах болон залгихад хүндрэлтэй болох), арьсны гэмтэл (дерматоз, экзем, нейродерматит), арьсны загатнаа, хүнс болон эмийн гаралтай харшлын урвалуудыг эмчлэхэд хэрэглэнэ.
Найрлага
Квифенадин 50мг
Гаж нөлөө
Ам хатах, толгой өвдөх, нойрмоглох, хоол боловсролт алдагдах (дотор муухайрах, бөөлжих), энэ шинж тэмдэг нь ихэнхдээ тун бууруулах болон эмийн хэрэглээг зогсооход арилна.
Хэрэглэх арга
Фенкаролыг шууд хоолны дараа хэрэглэнэ. Насанд хүрэгсдэд тун нь 25-50мг, өдөрт 2-4 удаа хэрэглэнэ. Хоногийн хамгийн дээд тун 200мг байна. Өсвөр үеийнхэнд (12-18 насны) тун нь 25мг, өдөрт 2-3 удаа хэрэглэнэ. Ээлж эмчилгээний үргэлжлэх хугацаа 10-20 өдөр байна. хэрэв шаардлагатай бол ээлж эмчилгээг давтаж болно. Хэрэв 25мг тун шаардлагатай бол Фенкарол бэлдмэлийн 25мг-тай шахмалыг хэрэглэх нь зүйтэй. Хэрэв энэ эмийн бэлдмэлийн үйлчлэл дэндүү хүчтэй, эсвэл хэт сул юм шиг санагдвал та эмчлэгч эмч эсвэл эм зүйчдээ хандаарай.
Олон улсын нэршил
Quifenadine
Үнэлгээ, сэтгэгдэл
(0 сэтгэгдэл)
